Dost Humaare

Sidhe sade,sangdil wade,lafange irade,
Hukm ke ikke,aur shatranj ke pyade,
Kya khub hote hain ye dost humare....
Nawabon se thath,char duni poune aath,
... Dujo se garmi aur apno se sath ganth,
jhilmil jugnu jaise nikal pade hain aaj,
Lagane mahfil e sham ki masti bhari waat.....
Duniya se dur har kisi ki aankho ke taare...
kya khub hote hain ye dost humaare....

Rishto ki uljhno se anjaan hokar bhi,
dilon ko ek dor me baandh jaate hain,
cheen kar har khushi ko is jamaane se,
ek dusre me ye pyaar baant jaate hain..
kayamat tak saath chane ke wade,
ye pal bhar me hi kar jaate hain,
mudkar dekhte bhi nahi ki koun hu main,
aur main se hum me har pal sajaate hain,

Kahte hain ki jannat par humara hak hai,
aur ye bedard jamana hawale hai tumhare.....
kya khub hote hain ye dost humaare....